Сәкен Әбдіғаппарұлы Сыбанбай
 | |
| Туған күні | |
|---|---|
| Туған жері | |
| Азаматтығы | |
| Ұлты | |
| Мансабы | |
| Шығармашылық жылдары |
2012 жылдан қазірге дейін |
| Жанры | |
| Шығармалардың тілі | |
Сәкен Сыбанбай (16 ақпан 1972 жыл, Мақтарал ауданы, Шымкент облысы, Қазақ КСР, КСРО) — қазақ журналисі, жазушысы, аудармашысы. Футбол тақырыбында кітап жазған Сейдахмет Бердіқұлов пен Несіп Жүнісбаевтан кейінгі қазақ прозасы тарихындағы үшінші қаламгер[1].
Өмірбаяны
[өңдеу | қайнарын өңдеу]1989-1994 жылдары қазіргі Әбу Нәсір әл-Фараби атындағы Қазақ Ұлттық Университетінің журналистика факультетінде білім алды.
Еңбек жолын 1992 жылы республикалық «Ғажайып Үндістан» газетінен бастады.
1993-1995 жылдары «Ақ желкен» журналында, 1995-1997 жылдар аралығында «Ана тілі» газетінде жұмыс істеді.
1997 жылдан 2004 жылдың соңына дейін «Жас Алаш» газетінде тілші, спорт бөлімінің меңгерушісі, руханият бөлімінің меңгерушісі, сосын редакция меңгерушісі болып қызмет атқарды.
2005-2009 жылдар аралығында «Жас қазақ» газеті бас редакторының бірінші орынбасары болып еңбек етті.
2009-2011 жылдар аралығында «Жұлдыздар отбасы» журналы бас редакторының орынбасары қызметін атқарды.
2011 жылдан 2017 жылға дейін «Алматы ақшамы» газетінде жұмыс істеді.
2017-2020 жылдар аралығында «Ұлттық аударма бюросы» қоғамдық қорында әдеби редактор болып, «Қазақ тіліндегі гуманитарлық білім. 100 жаңа оқулық» жобасына қатысты.
2020 жылдың маусым айынан республикалық «Парасат» (бұрынғы «Мәдениет және тұрмыс») журналының бас редакторы.
Шығармашылығы
[өңдеу | қайнарын өңдеу]«Ділдің дерті» (2012 жылы шықты), «Ғаламтордағы махаббат» (2021) кітаптарының авторы. «Мұңлық», «Бақытты адам», «Үміт үйі», «Ғаламтордағы махаббат», «Бір шәугім шай» секілді танымал шығармалары оқырман қауымға жақсы таныс. Әңгімелері түрік, өзбек, қырғыз тілдеріне аударылған. Бірнеше ән мәтіндерінің авторы. Сондай-ақ футболдан әлем чемпионаттарының тарихын баяндайтын «Ала доптың аламаны» (2015) атты кітабы жарық көрген.
Марапаттары
[өңдеу | қайнарын өңдеу]- «Алтын қалам» тәуелсіз әдеби байқауының «Жылдың үздік прозасы» аталымының жеңімпазы (2014 жыл).
- «Рахымжан Отарбаевтың мәдени қоры» ұйымдастырған еркін тақырыптағы әңгімелер байқауының жүлдегері (2017).
- «Ауылым – алтын тұғырым» әдеби байқауының жүлдегері (2017).
- ҚР «Ақпарат саласының үздігі».
- «Жалын» журналы тағайындайтын Ғ.Мүсірепов атындағы сыйлықтың лауреаты.